Bolton paralajmëron destabilizimin e Ballkanit nëse Trump zgjidhet president, përmend edhe Kosovën

INA
INA

19 Gusht, 2023

Diplomati amerikan, John Bolton, i cili ka shërbyer si këshilltar për Siguri Kombëtare i Donald Trump sa ishte president i Shteteve të Bashkuara të Amerikës ka dhënë dje një intervistë për gazetarët e Shoqatës së Mediave të Huaja në SHBA, ndërsa i është përgjigjur edhe gazetarit të njohur shqiptaro-amerikan, Robert Papa.

Ambasadori John Bolton është shprehur se në Ballkan njerëzit janë gjithmonë gati me benzinë e shkrepëse për t’i vënë zjarrit gadishullit. Madje ai iu përgjigj pyetjes së gazetarit Robert Papa, i cili i tha: “Administrata e Biden duket shumë e dobët në Ballkan dhe administrata mbështet ish-komunistët në Shqipëri, çfarë përgjigje keni?”.

Ndërkohë përgjigjia e zotit Bolton ishte si vijon: “Politikat e administratës për Ballkanin janë po aq jologjike sa edhe gjithë politikat e tjera. Është diçka për të cilën nuk kanë menduar qysh nga administrata e Klintonit, me marrëveshjen e Dejtonit. Nuk mendoj se e kuptojnë se lufta në Ukrainë ka potencialin për destabilizimin në Ballkan. Ka shumë gjëra që duhet të bënin dhe nuk po i bëjmë. Nuk e di se çfarë politikash do të kishte Trump aty, po të fitonte përsëri. U përpoqa të shërbeja me kohën time, duke zgjidhur ndryshimet me Kosovës dhe Serbisë. Mendova se ja vlente. Mendova se palët do binin dakord. Nuk funksionoi, nuk do të thotë se do jetë më pak e rëndësishme herën tjetër. Mos harroni Trump kërcënoi të tërhiqej nga NATO. Mendoj se ai është serioz rreth kësaj. Nuk e parashikoj kohën që do e bëjë, por nëse SHBA do tërhiqej prej NATO-s, ajo lloj mbrojtje do zhdukej. Mendoj se çdo lloj gjë e keqe do ndodhte jo vetëm në Ballkan, por edhe në Europën Lindore dhe Qendrore.”.

ME TE LEXUARA

LEXO MË SHUMË

IMG_5169

ASH vetë apo me BDI-në në zgjedhje, përgjigjet Taravari

gjykata-kushtetuese

Gjykata Kushtetuese nuk vlerëson kushtetutshmërinë e Marrëveshjes së Prespës

Gruevski Mickovski

Gruevski i kërkon anëtarësisë të mos i besojnë Mickoskit

kurti me sanxhak dhe lugine

Kurti priti një delegacion të përfaqësuesve politikë të boshnjakëve dhe të shqiptarëve në Serbi

haradinaj-kurti

Haradinaj me akuza të reja: Kurti është shoqëruar me vajzën e ministrit të Millosheviqit

taulant balla

Ligji për shtetësinë, Balla: Qytetarët e Kosovës dhe të Maqedonisë së Veriut të mos testohen

escobar eskobar gabriel

Eskobar: Maqedonia e Veriut vazhdimisht po dëshmon se është një partner i shkëlqyer

Vucic- Svecla

Vuçiq i përgjigjet Sveçlës: Do ta shohim kush kë do ta arrestojë, qesh mirë kush qesh i fundit

festime-flamuri-kosoves

Presioni i ndërkombëtarëve për themelimin e Asociacionit/ Analistët thonë se insistimi do të vazhdojë deri në themelimin e tij

INFO

NA NDIQ