Ndihma ushtarake për Ukrainën nuk ka të ndalur nga vendet e perëndimit.
Pas Shteteve të Bashkuara që paralajmëruan mbrëmë dërgimin e një pako të re të ndihmës ushtarake në vlerë prej një miliardë dollarë, tani e ka radhën Britania e Madhe, transmeton Telegrafi.
Siç raporton Washington Post, Britania është zotuar se do ta furnizojë Ukrainën me raketa me rreze të gjatë veprimi që arrijnë cakun deri në 300 kilometra.
Në anën tjetër, shumë vende tjera janë në pritje të dorëzimit të shumë armëve tjera në Kiev, e cila vazhdimisht ka bërë thirrje për armë moderne.
Ndryshe në Ukrainë po vazhdon lufta, kurse rusët akoma po tentojnë të marrin nën kontroll qytetin e Bakhmutit në lindje të vendit, por deri më tani pa ndonjë sukses.
Përkundrazi aksioni i tyre ushtarak në këtë qytet u ka kushtuar me mijëra jetë të humbura të ushtarëve dhe grupeve mercenare siç është Wagner.
