Armando Broja ende nuk ka një skuadër, pasi Ipsuiç u tërhoq nga oferta e bërë për shkak të kushteve të vendosura nga Çelsi, e cila e detyronte që ta blinte 30 milionë euro pas një viti huazim.
Gazetari i njohur sportiv Fabrizio Romano shkruan në rrjetet sociale se nuk ka më asnjë kontakt mes Ipsuiç dhe Brojës, kështu që sulmuesi kuqezi është rikthyer te Çelsi, çka e vështirëson edhe më shumë të ardhmen e futbollisit.
🚨⛔️ Armando Broja’s move to Ipswich Town is 100% off and collapsed.
He’s back to Chelsea now. pic.twitter.com/ccnVRGXVL2
— Fabrizio Romano (@FabrizioRomano) August 29, 2024
Trajneri i bluve të Londrës Enzo Mareska, e ka bërë të qartë që nuk e do Brojën në skuadër, pasi nuk është në planet e tij.
Kujtojmë që për Armando Brojën pati një inters të madh nga klubet italiane të Milanit dhe Juventusit, por edhe në Bundesligë nga Shtutgart dhe Dortmund, por problem për transferimin e tij u bë gjithmonë kërkesa e lartë e Çelsit, pasi kërkonin 30 milionë euro për kartonin e sulmuesit shqiptar.
Tashmë mbetet të shihet në ditët në vijim se çfarë do të ndodhë me të ardhmen e Brojës./Vizionplus.tv/
