shkruan Bruno Ceka
Për një periudhë të gjatë po vërehet një vakum i krijuar në mbrojtjen e interesave të shqiptarëve në Maqedoninë e veriut për komunikimin e një vizioni të përbashkët të prioriteteve me përfaqësues të administratës amerikane.
Për këtë arsye, duke marrë parasysh zhvillimet e fundit në vendin e origjinës,unë, së bashku me disa miq dhe shokë, përkatësisht së bashku me Vullnet Dervishin, Ilir Zenkun dhe Gezim Pollozhanin, e kemi konsideruar të arsyeshme që lidhjet me Departamentin e Shtetit të SHBA-së dhe personat dhe subjektet që formojnë drejtpërdrejt shtyllën kurrizore të politikëbërjes amerikane dhe vakuumit qe ekziston midis faktorëve kryesorë në Maqedoninë e Veriut duhet të përmirësohen.
Duke analizuar në mënyrën më funksionale, dhe duke menduar gjithmonë për forcën e akademisë dhe inteligjencës shqiptare në Maqedoninë e veriut , jemi gati për një bashkëpunim të hapur për ta ringjallur sadopak atë dhe pse jo edhe për të vendosur disa vija të kuqe që nuk do të duhet të kalohen kurrë.Sic eshte Marveshtja e Ohrit.
Në asnjë mënyrë fokusi nuk do të jetë politika ditore apo garat për pushtet të subjekteve politike atje. Përkundrazi, duke punuar me të gjithë ata faktorë relevant, do të mundohemi të vendosim një veprim të pastër se kjo garë nuk do të duhet të shkelë djersën e njerëzve që përfaqësojnë. Sigurisht që e ardhmja do të tregojë punë, metoda veprimi dhe bashkëpunim me të gjithë ata që duan më të mirën për popullin tonë. Ne jemi të hapur për sugjerime, për ndihmë intelektuale dhe për çdo gjë që mendoni se do të na çojë drejt qëllimit përfundimtar të barazisë së plotë.
