Ministri i Punëve të Jashtme, Bujar Osmani, gjatë vizitës së tij në Mbretërinë e Jordanisë, në fund të tetorit të vitit të kaluar mori si dhuratë një “iPhone 14” të artë me diamante.
Këtë e mësoi “A1on” nga burime të larta diplomatike, ndërsa informacionet thonë se edhe diplomatët e tjerë që shoqëronin ministrin kanë marrë dhurata si bizhuteri floriri.
Ministria e Jashtme siç thuhet ka tri ditë që nuk e konfirmon këtë informacion.
Osmani gjatë vizitës kishte zhvilluar një takim me zëvendëskryeministrin dhe ministrin e Punëve të Jashtme dhe Emigracionit, Ayman Safadi, si dhe me ministrin e Bujqësisë, Khalid Al-Hanifat, duke nënshkruar disa marrëveshje bilaterale me këtë vend. Dhuratën me vlerë e ka marrë nga nikoqiri. (INA)
