Asambleja Kombëtare e Bullgarisë në një seancë të jashtëzakonshme miratoi strukturën dhe përbërjen e qeverisë së re bullgare me kryeministrin akademikun, Nikolai Denkov.
Qeveria e re do të jetë me rotacion, ashtu që pas 9 muajve në postin e kryeministrit do të jetë Maria Gabriel, e cila tani u zgjodh zëvendëskryeministre dhe ministre e jashtme, përcjell INA.
Kabineti i ri qeveritar i njohur si “Denkov-Gabriel” u miratua me 132 vota “pro”, 69 “kundër”, pa asnjë “abstenim”.
Në fjalën e tij në fillim të seancës parlamentare, Denkov saktësoi se në nëntë muajt e parë do të jetë kryeministër, ndërsa në nëntë muajt e dytë Gabriel (GERB-SDS).
Akademiku Denkov tha se do të angazhoj kabinetin që të miratojë një buxhet me deficit 3 për qind, të përmbushë detyrimet e marra nga programi ndërkombëtar, të punojë për hyrjen e Bullgarisë në Shengen dhe në Eurozonë, të punojë në koordinim të ngushtë me Asamblenë Kombëtare për zbatimin e program legjislativ, duke përfshirë ndryshimet në Kushtetutë.
Lidhur me Gabrielin, i cili në nëntë muajt e parë do të jetë zëvendëskryeministër dhe ministër i Punëve të Jashtme, Denkov tha se nuk ka partner më të përshtatshëm të institucioneve evropiane se ish-komisioneri bullgar evropian për zgjidhjen e prioriteteve të rëndësishme ndërkombëtare. Ai prezantoi draft kabinetin dhe vuri në pah cilësitë e kandidatëve për ministra.
