Nënkryetari i LSDM-ja,Fatmir Bytyqi në emisionin 200 në Alsat deklaroi se LSDM është e gatshme për zgjidhjen e statusit të ish UÇK-së përmes një programi ku të dyja palët pjesëmarrëse në konfliktin e 2001-shit do të trajtoheshin në mënyrë të barabartë.
Ai hodhi poshtë pretendimet e partive politike shqiptare se LSDM-ja është kundër zgjidhjes.
Sipas tij, as BDI-ja edhe as ndonjë parti tjetër nuk ka ofruar në tryezë ndonjë propozim për zgjidhje.
““Ne në LSDM themi se nuk ka ardhmëri pa pajtim. Fatkeqësi është që dikush tjetër asnjëherë nuk është ulur që të flet për pajtim…ne jemi të hapur për çfarëdo teme…unë jam diku rreth 3 vite zv.kryeministër po aq nënkryetar i partisë deri tani nuk kam parë një propozim të tillë, siç nuk kam pasur një propozim të qëndrueshëm për zgjidhjen e pjesëtarëve të cilët kanë qenë në mbrojtje të them kushtimisht të interesave të shtetit në ato kohë. Kështu që kur të ketë zgjidhje të qëndrueshme edhe për njërit edhe për tjerët do të ulet do të diskutohet dhe kjo është më mirë të bëhet përmes një programi gjithëpërfshirës të pajtimit sepse njëherë e përgjithmonë duhet të lëmë anash, mbrapa atë që ka ndodhur por të shohim para, sepse jemi të thirrur që të krijojmë ardhmëri”, deklaroi Bytyqi./Alsat
