Bytyqi: Sfida më e madhe në këtë periudhë ishte ruajtja e çdo vendi të punës

Zv. kryeministri për Çështje Ekonomike, Fatmir Bytyqi në konferencën e sotme për shtyp theksoi se kjo periudhë ka qenë një sfidë e madhe për Qeverinë.

Bytyqi shtoi se sfida më e madhe ka qenë ruajtja e çdo vendi të punës.

“Viti i kaluar ishte sfidë e madhe për të gjithë ne pandemia e shkaktuar nga Covid-19 ka bërë zhvendosje serioze në botë dhe tërë kjo ndikoi edhe në funksionimin normal të jetës por edhe në ekonomi.

Nga kjo krizë kemi ardhur në përfundimin se vetëm të bashkuar mund t’i tejkalojmë edhe sfidat më të mëdha. Sfida më e madhe në këtë periudhë ishte ruajtja e çdo vendi të punës”, tha Bytyqi.