Opozita vlerëson si skandaloze qasjen e Qeverisë në mbështetjen e bojkotit kundër sektorit privat.
Fatmir Bytyqi gjatë intervistës në Alsat tha se ekzekutivi i kaluar ka lënë të gatshëm një ligj në fuqi i cili vetëm duhet të zbatohet dhe të zgjidhet çështja me rritjen e çmimeve të produkteve bazë.
Duke folur për shportën e konsumit, Bytyqi shtoi se si asnjëherë më parë, Qeveria në pamundësi për të gjetur zgjidhje po krijon paralelizëm duke i ofruar dy shporta konsumi, një zyrtare dhe një të hartuar nga sindikata dhe punëdhënësit.
“Mendoj se Qeveria në vend të kësaj duhet t’i shfrytëzon mekanizmat që ka në duar. Ne ju kemi lënë një ligj që është për praktikat jo të mira tregtare i cili është i plotfuqishëm nga 1 janari 2025 me të cilin ata mund të rregullojnë shitjet me pakicë por edhe marrëdhëniet me kompanitë me pakicë me prodhuesit. Por si duket Qeveria nuk është e gatshme të zbaton këtë masë dhe prandaj dëgjojmë deklarata populiste”, tha Fatmir Bityqi, Deputet i LSDM-së./ Alsat.mk
