Në një periudhë gjashtëvjeçare, në kushte krize, në kohën e qeverisjes së kësaj Qeverie kemi rritje të pagave për 60%, ndërsa në kohën e Qeverisë së kaluar, në periudhën 2011-2017, rritja ishte vetëm 8,9%. në të gjithë sektorët, tha zëvendëskryeministri i Qeverisë së Republikës së Maqedonisë së Veriut, përgjegjës për çështje ekonomike, koordinim me resorët ekonomikë dhe investimet, Fatmir Bytyqi, dje në emisionin “Vetëm intervistë” që transmetohet në televizionin Kanal 5.
Në lidhje me harmonizimin e pagave të zyrtarëve, i cili u fut me vendim të Gjykatës Kushtetuese, zëvendëskryeministri Bytyqi theksoi se ka vullnet politik për zgjidhje sistematike, por kërkon një kohë të caktuar, përkatësisht ndryshimin e shtatë ligjeve, të cilat nuk mund të bëhen brenda natës.
“Ne kemi një grup pune, tashmë kemi mendime të caktuara, ndërsa punojmë dalim me propozime të caktuara, për të cilat konsultohemi me të gjithë ministrat. Nuk mund të ndryshosh shtatë ligje pa pyetur të gjithë faktorët me të cilët kanë të bëjnë ato. Së shpejti do të ketë zgjidhje ligjore dhe do ta mbyllim këtë rast”, tha Bytyqi.
Zëvendëskryeministri Bytyqi iu referua edhe protestave të administratës gjyqësore dhe prokuroriale për rritjen e pagave të tyre dhe paralajmëroi takim me përfaqësuesit e Sindikatës së AOJSH, në të cilin do të fillojë dialogu për gjetjen e zgjidhjes sistematike.
“Në periudhën nga viti 2014 deri në vitin 2023, pagat e administratës gjyqësore dhe prokuroriale janë rritur mbi 70%”, kujtoi Bytyqi.
