Leksioni që i dha Manchester Cityn sot Real Madrid në Ligën e Kampioneve ka bindur shumëkënd se cikli i Carlo Ancelottit te madrilenët ka marrë fund.
Trajneri i ktheu përsëri në majën e Europës, por me mënyrën se si ekipi vuajti përballë anglezëve, shumëkush sheh nevojën për një shtysë të re, duke filluar nga Fabio Capellon.
Ish-trajneri i njohur italian, duke folur për sfidën në studion e “Sky Sport”, ka bërë të qartë se bashkëkombësi i tij duhet të mendonte për ofertën që i kishte ardhur nga Brazili.
“Për Real Madrid ky është një bilanc shumë i rëndë. Tani ndoshta Ançeloti po mendon për atë ofertën që i ka ardhur nga Brazili, e cila në këtë moment ndoshta duhet marrë në konsideratë, pasi sot ka skuadra më të forta në qarkullim.
Nëse ai dëshiron ta mbyllë karrierën me një sukses si Kupa e Botës, ky është okazion i tij” tha Capello i cili në karrierën e tij ka drejtuar përfaqësuesen e Anglisë dhe të Rusisë.
