Barcelona nuk shkoi më shumë se një barazim pa gola në ndeshjen ndaj Xhirona-s, e vlefshme për La Liga. Ekipi katalanas mori një pikë që ngjan si fitore, duke parë humbjen e Real Madridit, ndërkohë që diferenca mes dy skuadrave ka shkuar në +13 pikë për Barcelonën.
“Nuk më shqetëson barazimi, jam i interesuar vetëm te fitimi i titullit kampion. Patëm mjaft raste për të shënuar e për të fituar ndeshje, por nuk finalizuam dot. Natyrisht që nuk jam shumë i kënaqur, pasi morëm një barazim në fushën tonë. Gjithsesi, morëm një pikë dhe tashmë jemi +13 pikë ndaj Real”, tha Xavi Hernandez.
“Skuadrës i thashë se jemi në rrugën e duhur për të fituar titullin dhe se në fushë dhanë më të mirën. Jemi pranë titullit dhe dëshirojmë ta marrim, pasi kemi kohë që e kërkojmë. Duhet ende edhe pak punë për ta fituar titullin”, tha trajneri i ekipit katalanas.
Duke folur për thirrjet e tifozëve, që dëshirojnë sërish Mesi në ekip, Xavi ishte decid.
“Mendoj se tifozët e dijnë se kush është Mesi. Gjithsesi, nuk dëshirojmë të krijojmë iluzione të kota. Dikush e këndoi emrin e tij, por të shohim se ç’do të ndodhë,” tha në fund Xavi.
