Snapchat po lanson chatbotin e tij të AI-s të quajtur My AI, i cili do të mundësohet nga ChatGPT i OpenAI. Duke filluar nga kjo javë, përdoruesit e Snapchat do të kenë akses në chatbotin e tij të ri bisedor, i cili mund të shkruajë poezi, të planifikojë një udhëtim ecjeje dhe të rekomandojë dhurata për ditëlindje, sipas një postimi në blog të Snap, transmeton Telegrafi.
Për momentin, funksioni do të jetë i disponueshëm vetëm për abonentët me pagesë të Snapchat+, por platforma planifikon ta bëjë chatbot të qasshëm për të gjithë përdoruesit e tij në të ardhmen, tha për The Verge CEO i Snap, Evan Spiegel.
“Ideja e madhe është që përveçse të flasim me miqtë dhe familjen tonë çdo ditë, ne do të flasim me AI çdo ditë”, tha Spiegel për The Verge. “Kjo është diçka që ne jemi të pozicionuar mirë për të bërë si një shërbim mesazhesh”.
