Chollet në Beograd: Duhet të ndalet aktiviteti i grupit ushtarak rus “Wagner”

Picture of Iliria News Agency
Iliria News Agency

13/01/2023

I dërguari i lartë amerikan Derek Chollet shprehu të enjten shqetësimin e fortë për aktivitetin e grupit të kontraktorëve privatë ushtarakë “Wagner Group” dhe për përpjekjet që mendohet se po bën ky grup për të rekrutuar ushtarë në Serbi dhe vende të tjera.

Këshilltari i Departamentit amerikan të Shtetit tha se i ka shprehur këto shqetësime gjatë bisedimeve në Beograd me Presidentin serb Aleksandar Vucic.

“Kemi parë se Grupi Wagner po përpiqet të rekrutojë ushtarë nga Serbia dhe gjetiu, dhe kjo është diçka që ne mendojmë se nuk mund të vazhdojë”, u tha ai gazetarëve pas takimit.

“Nuk di nëse ekziston shqetësimi (në Serbi); ne folëm për shqetësimet tona dhe dëshirojmë të punojmë me qeverinë këtu në Beograd dhe vende të tjera ku Wagner është aktiv, për t’i dhënë fund të gjitha aktiviteteve të tyre”, shtoi ai.

Grupi Wagner, në pronësi të oligarkut rus Yevgeny Prigozhin, njoftohet se ka qenë aktiv në dhjetëra vende, përgjithësisht të Afrikës, duke bashkëpunuar me qeveritë për propagandën pro-ruse dhe për projekte të tjera ushtarake dhe politike.

Ky grup është mburrur për praninë në Serbi, që është i vetmi vend evropian, krahas Bjellorusisë, që nuk iu është bashkuar sanksioneve ndaj Rusisë për luftën në Ukrainë. U njoftua se ky grup kishte shpallur edhe çeljen e zyrave në Beograd, por më vonë kjo gjë u mohua.

Portali propagandistik i Moskës, RT, ka hapur rishtazi një faqe lajmesh në gjuhën serbe, ku ka publikuar reklama të Grupit Wagner ku kërkohen të rekrutohen luftëtarë në Ukrainë, duke u shprehur se ky grup ofron shpërblime “më shumë se tërheqëse”.

Zoti Chollet tha se Grupi Wagner është hedhur “në veprim në mënyra të tmerrshme në mbarë botën, qoftë në Libi, Republikën Qendrore Afrikane, apo tashmë në Ukrainë”.

Grupi, ku njoftohet se marrin pjesë një kontigjent i madh të dënuarish të rekrutuar në burgjet ruse, ka udhëhequr sulmet në Ukrainën lindore, përfshirë në betejat e ashpra në Soledar dhe Bakhmut.

Zoti Prigozhin dhe grupi i tij janë përfshirë në sanksionet amerikane prej vitesh, dhe Shtetet e Bashkuara kanë ndërmarrë rishtazi hapa të mëtejshme për të vendosur nën kontroll qasjen e këtij grupi tek armët.

Mercenarët e Grupit Wagner janë akuzuar gjithashtu nga vendet perëndimore dhe ekspertët e Shteteve të Bashkuara për abuzime të shumta me të drejtat e njeriut në mbarë Afrikën, përfshirë në Republikën Qendrore Afrikane, Libi dhe Mali. Më herët këtë muaj, Sekretari amerikan i Shtetit, Antony Blinken, njoftoi se e ka klasifikuar tashmë Grupin Wagner si një “entitetet në veçanti shqetësues” për shkak të aktivitetit në Republikën Qendrore Afrikane.

Zoti Chollet i bëri gjithashtu thirrje Serbisë të vendosë sanksione ndaj Rusisë, vendit sllav tradicionalisht aleat.

“Mendojmë se vendet duhet t’iu bashkohen sanksioneve dhe arsyeja pse e besojmë këtë është pasi veprimet e Rusisë jo vetëm që duhet të dënohen, ato duhet edhe të ndëshkohen”, tha ai. “Rusia po bën çdo ditë një luftë brutale, të pajustifikuar ndaj Ukrainës. Ne duhet të qëndrojmë të bashkuar, të sigurohemi që kjo sjellje të jetë e qartë se është e papranueshme”.

I dërguari i lartë amerikan filloi këtë javë një seri vizitash në disa vende të Ballkanit, të përqëndruara tek përpjekjet ndërkombëtare për të normalizuar marrëdhëniet mes Kosovës dhe Serbisë, pas disa javësh tensionesh të rritura. Pavarësia e Kosovës nuk njihet nga Serbia dhe Rusia./BS

TË FUNDIT
4 minuta
Agjencia e postave do ta prezantojë gjendjen e tregut postar në RMV
10 minuta
Mexhiti: Nga 18 deputetë të Frontit, 3-4 deputetë me një këmbë janë pjesë e shumicës së re
11 minuta
Paradite mot me diell, pasdite shi i rrëmbyeshëm lokal dhe bubullima
1 orë
Mexhiti: Unë dhe Taravari besoj që do të jemi në ekzekutiv, liderët kësaj radhe nuk do të rrijnë në Reçicë
8 orë
Cana kundër, por Duka nuk heq dorë për organizimin e “Euro 2027” me Serbinë për moshat U21

ME TE LEXUARA

20 orë
Kasami: Fronti Evropian të luaj rol konstruktiv në opozitë
4 minuta
Agjencia e postave do ta prezantojë gjendjen e tregut postar në RMV
17 orë
Ja në cilat komuna të Maqedonisë së Veriut do të ketë zgjedhje të parakohshme komunale
23 orë
Aksident i rëndë afër Mlladenovcit – shoferi i veturës humbi jetën nga përplasja me autobusin, 30 të lënduar
11 orë
Ministria e Drejtësisë: Dënojmë gjuhën denigruese të VMRO-së ndaj institucioneve shtetërore
20 orë
LLoga: Dhuna e numrave nga komuniteti shumicë në Maqedoninë e Veriut ka dhuruar vetëm pasoja për shqiptarët
17 orë
Memetin s’mund ta shkarkojnë, por e sugjerojnë: Të mos marrë pjesë në punën e Këshillit të Prokurorëve derisa zgjat procedura kundër tij
23 orë
Fronti Evropian ka ngritur padi në Gjykatën Administrative për vendimin e KSHZ-së për rivotimin në Zhelinë

LEXO MË SHUMË

posta-780x439-1

Agjencia e postave do ta prezantojë gjendjen e tregut postar në RMV

Izet Mexhiti

Mexhiti: Nga 18 deputetë të Frontit, 3-4 deputetë me një këmbë janë pjesë e shumicës së re

Moti_26-780x470-1

Paradite mot me diell, pasdite shi i rrëmbyeshëm lokal dhe bubullima

opozita shqiptare vlen len taravari gashi, kasami, mexhiti

Mexhiti: Unë dhe Taravari besoj që do të jemi në ekzekutiv, liderët kësaj radhe nuk do të rrijnë në Reçicë

IMG_2557

Cana kundër, por Duka nuk heq dorë për organizimin e “Euro 2027” me Serbinë për moshat U21

IMG_2555

Arben Taravari: Ta mbështesim fuqishëm Muharrem Salihun për eurodeputet

albin kurti prishtine

Kurti me kandidatët e PVD-së nga Lugina e Preshevës në Prishtinë: Të dielën votoni për ndryshimin!

shkodra

Mediat serbe propagandë shtrembëruese për pikat turistike shqiptare, duke i quajtur si serbe (FOTO)

dejvid daviv gir geer

Geer: Qeveria e re ta vazhdojë rrugën europiane të vendit

INFO

NA NDIQ