Martesat e çifteve të përziera në Maqedoninë e Veriut, me cilët komunitete etnike më tepër ka lidhje martesore të maqedonasve.
Sipas portalit Faktor, statistikat për martesat e përziera të lidhura në vend, tregojnë se maqedonasit më së shpeshti lidhin martesë me serbë.
Ky trend ka vazhduar për një kohë të gjatë. Në vitin 2022, 41 gra maqedonase u martuan me serbë, dhe në të njëjtin vit, 70 gra serbe u martuan me burra maqedonas. Maqedonasit martohen me persona të kombësisë serbe nga Maqedonia, por edhe nga Serbia fqinje. Afërsia e dy popujve, fetare, gjuhësore, territoriale, bën të vetën.
Një numër i madh i martesave maqedono-serbe ka në Kumanovë, ku minoriteti serb ka jetuar në numër të madh me shekuj.
Sipas të dhënave të Entit Shtetëror të Statistikave (ESSH), në vitin 2022, 24 gra maqedonase janë martuar me meshkuj shqiptarë. Në të njëjtin vit janë bërë 20 martesa ku gruaja ishte maqedonase dhe bashkëshorti turk. Në vitin 2022, 9 gra maqedonase u martuan me rom, 5 me burra të kombësisë vllahe. Në vitin 2022 ka pesë martesa mes një nuseje maqedonase dhe një dhëndëri boshnjak.
Në të njëjtin vit, 30 gra shqiptare u martuan me maqedonas, 17 gra turke u martuan me maqedonas, 7 gra rome u martuan me maqedonas. Për më tepër, shtatë gra vllehe u martuan me maqedonas në vitin 2022 dhe 8 gra boshnjake u martuan me bashkëshortë të kombësisë maqedonase.(INA)
