Kapitali intelektual është kapitali njerëzor. Në thelb zhvillohet duke lexuar libra dhe duke u informuar. Njihet gjithashtu si “rregulli 5 orësh” i aplikuar nga njerëzit më të suksesshëm.
Bill Gates, Jack Ma dhe Elon Musk janë ndër vizionarët që zbatojnë “Rregullin 5 Orësh”.
The CEO Magazine shkruan se babai i kombit amerikan, Benjamin Franklin, ishte i pari që zbatoi këtë rregull. Fokusi i konceptit është një orë mësim gjatë ditës. Përveç kësaj, Franklin ishte i përkushtuar për të eksperimentuar për të bërë përparim personal.
Në 1758 Franklin deklaroi se ishte më e vlefshme të investosh në dije.
Pasi zgjohej në mëngjes lexonte, dhe më vonë gjatë ditës u përpoq t’i kthente idetë në vepra. Supozohet se kjo mënyrë jetese e bëri atë të suksesshëm. Michael Simmons, themeluesi i Empact, zhvilloi një “rregull prej 5 orësh”. Ideja është që të shpenzoni 5 orë në javë ose 1 orë çdo ditë pune duke mësuar, duke lexuar diçka të re.
Kështu, nuk është aspak çudi që shumë biznesmenë e kanë pranuar këtë rregull. Njëri prej tyre është Bill Gates i cili lexon më shumë se 50 libra në vit. Miliarderi Warren Buffett lexon 6 orë në ditë, ndërsa shumica e amerikanëve të rritur lexojnë mesatarisht 20 minuta në ditë.
Si të zbatohet ky rregull?
Të aplikosh do të thotë të shpenzosh 1 orë në ditë ose 5 orë në javë për të mësuar ose përvetësuar aftësi. Të lexosh 1 orë në ditë, të mbajë shënime çdo ditë për atë që konsiderohet e rëndësishme, në mënyrë që idetë të zbatohen për të kuptuar se cilat prej tyre janë të mira dhe cilat jo të mira. /Ebbilive.com
