Mali i Zi është vendi më i shtrenjtë për të jetuar.
Shpenzimet mujore për një familje katër anëtarësh në Mal të Zi llogariten në 1917 euro, sipas të dhënave në portalin “Numbeo”, transmeton “N1”.
“Kostot e qirasë së pronës nuk merren parasysh këtu. Mali i Zi është në vendin e 85-të ndër vendet më të shtrenjta në botë.
Që nga fillimi i konfliktit midis Rusisë dhe Ukrainës, çmimet e qirave janë rritur me rreth 40 për qind për shkak të një fluksi njerëzish me një kapacitet më të madh për të paguar. Çmimi i qirasë në Mal të Zi tani varion nga 350 në mbi 1500 euro, në varësi të sipërfaqes katrore dhe vendndodhjes së pronës”, thekson portali “Numbeo”.
Më tej thuhet se për një personi në Mal të Zi për një muaj për harxhime jetësore u duhen rreth 550 euro. “Kjo është kostoja për një person pa paguar qiranë. 757 euro ishte paga mesatare në Mal të Zi për muajin shkurt. Por, 61 për qind e popullsisë nuk mund të plotësonte nevojat e tyre për sa i përket konsumimit të mishit dy herë në javë apo ngrohjes së shtëpisë. Kjo është fotografia që tregojnë rezultatet e anketës për të ardhurat e popullsisë”, thekson “Numbeo”.
