Çka u propozua dje nga Komisioni për Sëmundje Infektive? Situata drejt përmirësimit

Iliria News Agency
Iliria News Agency

03/03/2022

Me qëllim të ngritjes së imunitetit të popullatës, që do të ishte bazë për zbutje të mëtejshme të masave, nis fushata për vaksinimin e personave nga grupet e rrezikut. Komisioni për Sëmundjet Infektive njoftoi dje se do t’u caktohen terminet nëse nuk janë të vaksinuar plotësisht ose nuk kanë marrë dozë përforcuese.

Grupet e rrezikuara të qytetarëve – personat mbi 65 vjeç me komorbiditete ose më të rinj se 65 vjeç me më shumë komorbiditete, do të njoftohen me SMS se në një kohë të caktuar duhet të vizitojnë pikën për t’u vaksinuar.

Sipas të dhënave të marra nga “Terminiim”, në grupin e rrezikut bëjnë pjesë 260 mijë qytetarë. Gjysma e tyre, siç bëri të ditur dje Komisioni, ose kanë marrë një dozë ose nuk kanë marrë asnjë, ndërsa gjysma tjetër, përkatësisht 130 mijë nuk kanë marrë dozë përforcuese.

Ng Komisioni për Sëmundjet Infektive dje kumtuan se fokusi do të jetë te vaksinimi i grupeve të rrezikut sepse bazë për lehtësimin e masave është mbi të gjitha vaksinimi, i cili në vendin tonë është në nivel shumë të ulët – 41 për qind e popullsisë është plotësisht e vaksinuar.

Analiza serologjike e 920 mostrave tregoi se ekziston një imunitet solid i bazuar në vaksinim, sipas të dhënave fillestare nga hulumtimi i imunitetit të popullatës të kryer nga Komisioni.

“Mbi 85 për qind e individëve të vaksinuar kanë njëfarë imuniteti ndaj KOVID-19. Nuk mund të flasim për efikasitet, por mund të zbulojmë se ekziston. Nga ata 920, rreth 170 persona kanë qenë të pavaksinuar dhe kanë mbi 70 për qind seropozitivitet, gjegjësisht kemi një mesatare solide të imunitetit, informoi dje dr. Aleksandar Petliçkovski, kryetar i Komisionit për sëmundje infektive.

Parametrat e skriningut dhe sa realisht mund të zbatohen për të lehtësuar kufizimet, tha ai nëkonferencë shtypi, do të shqyrtohen në mbledhjen e ardhshme të Komisionit.

Në takimin e djeshëm komisioni rekomandoi heqjen e certifikatave që janë të detyrueshme për hyrjen në qendrat tregtare, përkatësisht aty ku mbajtja e maskave nuk është e detyrueshme.

“Ne kemi arritur në një përfundim, ai është të rekomandojmë heqjen e certifikatave të detyrueshme për praninë e qendrave tregtare, pra aty ku mbajtja e maskave nuk është e detyrueshme. Ky është një hap drejt lehtësimit të kufizimeve, por sigurisht që do të jemi shumë të kujdesshëm për zhvillimin e ardhshëm, sepse nuk duam të arrijmë rezultate të papritura duke i refuzuar të gjitha masat”, tha Petliçkovski

TË FUNDIT

ME TE LEXUARA

LEXO MË SHUMË

mesuesi

Vdiq pishtari i arsimit, mësuesi nga Sllupçani, Qemal Iseni

arberesha kryeziu

Deputetja e VV-së, Hyseni: Bujar Osmani përfaqësues i “Ballkanit të Hapur”, Arben Taravari i rreshtuar përkrah Kosovës

asambleja-kie-keshilli-i-evropes

Dy ditë historike për Kosovën në Strasburg – sot nis Asambleja e Këshillit të Evropës

spital-infermiere-mjeke shendetesi

Mjekët specialistë privatë në RMV nga sot në grevë të përgjithshme

aksidenti shqiperi

Vdekjet nga aksidentet rrugore në Shqipëri, ndër më të lartat në Europë! Vendi ynë, i gjashti në listë

shkupi

Turistët nga Turqia dominojnë për turizëm në Maqedoninë e Veriut

Mickoski vmro platforma

Mickoski: Kohët kur Reçica mund të shantazhonte dhe të diktonte kushte kanë ikur

BE bruksel EU Bashkimi Evropian Unioni

EMRAT/ Ja kush janë ambasadorët dhe emisarët e rinj të BE-së në Ballkanin Perëndimor

hotel mijallkov oher

Kompania e Mijallkovit filloi me ndërtimin e një hoteli luksoz në Ohër, reagon “02 Iniciativa”

INFO

NA NDIQ