Te Interi, e gjithë vëmendja është përqendruar te finalja emocionuese e kampionatit në garën për titullin kampion por edhe tek finalja e madhe e Ligës së Kampionëve, por ndërkohë nuk mbetet pa vëmendjen e duhur edhe e ardhmja e trajnerit Simone Inzaghit.
Ndërsa presim lajme nga Appiano për rinovimin e kontratës, vazhdojnë të qarkullojnë thashetheme gjithnjë e më këmbëngulëse për një sulm të ri nga Al Hilal për trajnerin e Zikaltërve. Me shifrat në dorë, po flasim për një ofertë monstruoze prej njëzet milionësh neto në sezon për ta çuar ekipin në Kupën e Botës për Klube. Një shifër që, pavarësisht një mendimi fillestar kundër për nga niveli I kampionatit atje,është shumë tunduese.
Sipas mediave arabe, një përfaqësues i trajnerit zikaltërt fluturoi për në Riad ditët e fundit për të pyetur rreth mënyrës dhe cilësisë së jetës atje duke përfshirë pyetje për akomodim dhe shkolla. Një lloj udhëtimi eksplorues për të cilin, megjithatë, për momentin, nuk ka siguri, por vetëm thashetheme që ende nuk janë konfirmuar.
Megjithatë, ajo që është e sigurt është se Fahad Bin Saad Bin Nafel , presidenti ambicioz dhe shumë i pasur i Al-Hilal, dëshiron fuqimisht që Simone Inzaghi të udhëheqë ekipin. Në prill kishte pasur një kontakt fillestar midis palëve, por më pas gjithçka u zhduk shpejt. Gjithësesi tani interesi i gjigantit të Riadit me sa duket është bërë përsëri I dukshëm duke avancuar edhe me shifra më konkrete sa I përket ofertës.
Një presion që për momentin familja Inzaghi duket se është e vendosur ta refuzojë, por që mund të rezervojë edhe surpriza të bujshme pas finales së Ligës së Kampionëve. Sipas mediave arabe, në fakt, thuhet se Fahad Bin Saad Bin Nafel e ka bindur trajnerin t’i bashkohej në Riad më 1 qershor për të përcaktuar personalisht shumën e saktë të pagës, për të shkruar shpejt gjithçka në letër dhe për të shtrënguar duart.
