Çmimet në treg “lëvizin” brenda javës, Qytetarët: Duhet të ulen

INA
INA

05/02/2024

Çmimet e produkteve ushqimore muajt e fundit nuk janë stabile, sidomos në tregun e gjelbërt. Ndodh që një produkt brenda javës të ketë çmim të ndryshëm disa herë. Këtë lëvizje të çmimeve më së shumti po e ndjejnë qytetarët. Ata thonë se nuk po munden ti përballojnë shpenzimet, ndërsa për kursime as që bëhet fjalë.

“Jo shtrenjtë, po shumë shtrenjtë, nuk mund ta përthakosh edhe muajin, jo që me kursy diçka, por ske ç’të bësh, çmimet janë gjithmonë në lëvizje, ajo po shihet por është problem që nuk janë çmimet reale sa i përket standardit tonë, nuk janë reale”.

“Është rëndë sepse të ardhurat janë të ulëta në vendin tonë, çmimet janë në bazë të cilësisë ke më shtrenjtë, por ke edhe më lirë.”

“Çmimet nuk mund të jenë më të shtrenjta, nuk ka ndodh kurr të jenë kaq të shtrejta, unë ndoshta mundem të kursej, por shumica e popullatës nuk mundet.’

“Është shtrenjtë gjithçka” – thanë disa nga qytetarët e intervistuar nga TVM2.

Tregëtarët thonë që shitja është e dobët në treg. Ata njëherit ankohen se prodhimet edhe vet i marrin me çmime të larta.

“Spanaqi prej 80-100 den për momentin është, çmimi është shtrenjtë, nuk ka prodhim mjaftueshëm, prej komunës së Sarajit është limoni 80 den, varet se çfarë është, prej jashtë prej Turqisë, Argjentinës.”

“Ka ngapak ka shitje, nuk bën me u anku, mirë është, domatja është 80 den.”

“Qytetarët nuk blejnë mjaftueshëm, më shumë preferojnë të blejnë produkte në markete se në treg, ndonëse atje janë çmimet më të larta.”

“Patjetër të blejnë qytetarët, sepse duhet te hanë, por shitja është e dobët.” – u shprehën disa nga tregatërët e intervistuar nga TVM2.

Qeveria ka bërë të ditur se vazhdohet kufizimi i çmimeve deri më 29 shkurt 2024, për disa lloje të produkteve ushqimore edhe atë: orizi, mielli, buka dhe produkte të tjera të bukës, biskotat, brumërat, mishi dhe prodhimet e mishit, qumështi, vezët, djathi, kaçkavali dhe prodhime të tjera të qumështit.

Poashtu vazhdohet deri më 29 shkurt, kufizimi paraprak i konstatuar i çmimeve për: ujin mineral të pagazuar dhe të gazuar dhe pijet e pagazuara dhe të gazuara, në paketime të caktuara.

TË FUNDIT

ME TE LEXUARA

LEXO MË SHUMË

zgjedhje maqedoni

17 milionë euro për zgjedhjet

kshz-2-800x445

Nga e premtja fillon afati për mbledhjen e nënshkrimeve për kandidatët presidencialë dhe deputetë

Afrim Gashi

Gashi: Është momenti që ta përmbyllim një cikël të errët të jetës tonë, dhe t’i japim mundësi shpresës, suksesit!

Taravari

Taravari: Edhe sondazhi i Debat Plus shpalli fitues opozitën shqiptare VLEN, ndryshimi ka nis!

Qeveria talat xhaferi

Nga mbledhja e gjashtë e Qeverisë, ja vendimet

talat xhaferi fondacioni albiz

Xhaferi: Investimi te të rinjtë është investim i së ardhmes

sondazhi vlen bdi debat plus

Sondazhi i Debat Plus: Ja kush do t’i fitojë zgjedhjet tek shqiptarët në Maqedoni?

Taravari

Taravari: Ka gjasa që në raundin e dytë për president të shkojë një kandidat shqiptar

kuvendi parlamenti

Ligji i mediave kalon filtrin në komisionin parlamentar për çështje evropiane

INFO

NA NDIQ