Tottenham dhe Antonio Conte vendosin të ndërpresin bashkëpunimin pas rreth 1 viti.
Rezultatet e dobëta dhe përçarja e dhomës së zhveshjes e kanë tronditur jo pak ambjentin e “Gjelave” dhe pas akuzave publike të trajnerit në adresë të lojtarëve, palët gjetën gjuhën e përbashkët për t’u ndarë.
Skuadra i është besuar deri në fund të sezonit zëvendësit të Contes, Cristian Stellini por nuk përjashtohet mundësia që ish-trajneri i Bayern Munchen, Julian Nagelsmann, të emërohet në krye të stolit të londinezëve.
Gjithsesi, emra të tjerë në garë për të marrë drejtimin e Tottenham janë edhe Zidane, Luis Enrique e Pochettino.
Në krahun tjetër, dy janë mundësitë më të mëdha për të ardhmen e Antonio Contes. Mundësitë që ai të rikthehet në stolin e Juventusit janë rritur pas largimit të Agnellit nga posti i presidentit, ndërsa nuk përjashtohet as mundësia që ai të ulet në stolin e Interit që e shpalli kampion dy sezone më parë.
