Aktori dhe shkrimtari i njohur Çun Lajçi ka reaguar me tone të ashpra pas dështimit të seancës për konstituimin e Kuvendit të Kosovës. Në një status të publikuar, ai ka shprehur zhgënjimin e tij të thellë me deputetët opozitarë, të cilët i akuzon për papërgjegjësi dhe braktisje të interesit qytetar.
“E përcolla Kuvendin, mos kujtoni se veç BBVIP-in po e shikoj… dhe si përherë, u zhgënjeva me deputetët opozitarë që i prrin, i dhjnë votat tona. Kosovën janë në gjendje ta lënë si vathën pa bagëti!”, shkruan ai me një gjuhë të drejtpërdrejtë dhe plot mllef.
Lajçi thotë se nuk ka më ndërmend të merret me politikanët dhe pushtetarët, duke u dorëzuar përballë atyre që ai i quan “diletantë analfabetë”. Në vend të kësaj, ai deklaron se do të vazhdojë të shkruajë për “njeriun e vogël që ka zemër të madhe dhe vajzën që din me dashtë e me shtu atdheun”.
Postimi i plotë:
Ikni, se boll e zezuet Kosovën!
E përcolla Kuvendin,(mos kujtoni se veç BBVip-in po e shikoj, dhe si përhera; – u zhgënjeva me deputetët opozitar që i p*rrin, i dh*jnë votat tona e Kosovën janë n’gjendje ta lënë si vathën pa bagëti!
Por
S’do t’merrem me juve ma!
Pushtetin e atdhetarizmin po ua lë diletantëve analfabet që dinë ta shesin lirë nderin e atdheun!
Tani e deri n’vdekje do t’shkruaj për njeriun e vogël që ka zemër t’madhe e vajzën që din me dashtë e me shtua atdheun!
Ikni, mos t’iu shoh, se boll e zezuet vetën e Kosovën!
