Këngëtarja e njohur Dafina Zeqiri ka reaguar publikisht pas incidentit të ndodhur në shtëpinë e “Big Brother VIP Albania”, ku banori Gjesti u bë viktimë e një akti dhune.
Përmes një postimi në Instastory, Dafina shprehu mbështetjen për Gjestin, duke vlerësuar sinqeritetin dhe energjinë e tij pozitive që, sipas saj, kanë fituar zemrat e publikut.
Reagimi i saj vjen pas incidentit të fortë që ndodhi në spektaklin e fundit, kur banori Jozi, i revoltuar nga eliminimi i papritur, goditi me shuplakë Gjestin – i cili tani është finalist në këtë edicion të “Big Brother VIP Albania”.
