Kryetarja e Qytetit të Shkupit, Danella Arsovska po shqyrton mundësinë e formimit të një subjekti politik.
Ajo si kandidate e pavarur fitoi Shkupin me përkrahjen e partive opozitare, përfshirë VMRO-DPMNE, ASH dhe Alternativën.
Me shumë gjasa një parti e re politike do të shfaqet në skenën politike.
Lajmi për mundësinë e formimit të partisë është lansuar nga TV21 duke u thirrur në burime të afërta me Arsovskën.
Kjo ide është nxitur nga rezultatet e anketës së fundit të publikuar nga IRI, ku thuhet se 19 për qind e të anketuarve mendojnë se Arsovska duhet të rizgjidhet kryetare e kryeqytetit, 29 për qind e të anketuarve janë përgjigjur pozitivisht, ndërsa 53 për qind negative. (INA)
