David Alaba prezantohet te Real Madridi, do të mbajë numrin e lënë nga Ramos

David Alaba është prezantuar edhe zyrtarisht si lojtar i Real Madridit pas transferimit të tij me parametër zero nga Bayern Munchen.
Në imazhet e para, ai u prezantua përkrah presitendit, Fiorentino Perez, ku u publikua edhe numri i tij i ri i fanellës.
Alaba do ta bartë numrin 4, numër i cili u mbajt nga Sergio Ramos për më shumë se 12 vite tek “Los Blancos”.
Austriaku është transferimi i parë i Realit këtë afat kalimtar veror.