De Biazi ka dhënë një intervistë së fundmi në mediat italiane, atje ku është pyetur edhe sa i përket Kristjan Asllanit.
Mesfushori shqiptar has shpesh kritika të mëdha tek tifozët e Interit, teksa për shkak të konkurrencës së madhe dhe minutave të limituara, Asllani duhet të spikas në çdo moment kur e ka topin në zotërim dhe kjo e vendos në presion të madh. Megjithatë De Biazi ka thënë fjalët më të mira për Asllanin duke i dhënë një dorë imazhit të tij në media.
“Kristjani është një djalë që e njoh, ka cilësi shumë të mira dhe është në një fazë të rëndësishme të hapit tjetër.
Ai ka ende vend për përmirësim, kështu që mendoj se me siguri do të jetë një pjesë e rëndësishme në organizimin e lojës së Inzaghit. Sigurisht që përballë ka një nga lojtarët më të mirë në nivel evropian (Calhanoglu), por nuk duhet të vuajë për këtë. Ju mësoni nga të mirët, kështu që mendoj se Kristjani do të ketë shumë mundësi për të treguar vlerën e tij edhe brenda Interit”, tha De Biazi.
