Kuvendi i Alternativës në Tetovë zgjodhi për kryetar të ri të degës, Jusuf Abdulin.
“Pas largimit të kryetarit të degës, u shfaq nevoja për riorganizimi e degës së Alternativës në Tetovë dhe zgjedhjen e kryetarit të ri. Kështu, pas një procesi për rikonstituuimin e nëndegëve, sonte është mbajtur edhe mbledhja konstituive e Kuvendit të Degës së Alternativës – Tetovë, me ç’rast, pas verifikimit të mandatit të kuvendarëve, me shumicë votash (nga 47 kuvendarë), për kryetar të degës së Alternativës në Tetovës është zgjedhur Jusuf Abduli – magjistër i edukatës fizike dhe sportit”, thuhet në njoftimin e kësaj partie.
Abduli bëri thirrje edhe për unitet e bashkim për të ecur përpara.
Kryetari i Alternativës, Afrim Gashi, i cili pasi e përgëzoi kryetarin e ri të degës, theksoi: “AlternAtivA është parti e idesë, ndërsa ideja është mbi emrat tanë të përveçëm. Prandaj AlternAtivA nuk është parti as vetëm e imja, as e Jusuf Abdulit, por është e të gjithë shqiptarëve, sepse ne jemi përfaqësimi më autentik i shqiptarëve në Maqedoninë e Veriut”.
