Gjykata Penale e Shkupit dënoi sot me 4 vjet burg krijuesin dhe administratorin e Dhomës Publike të Telegramit, Darko Kostovski dhe Mihail Panevski, shkruan Alsat.
Gjykata i shpalli ata fajtorë për veprën e prodhimit dhe shpërndarjes së pornografisë për fëmijë.
Në aktakuzë thuhet: Në periudhën prej datës 19.12.2019 deri më 28.01.2020, dy të pandehurit, si themelues dhe moderator të grupit “Dhoma Publike” në rrjetin social Telegram, janë detyruar të kujdesen për përmbajtjen e tekstit dhe përmbajtje audio-vizuale të cilat ndahen nga anëtarët e grupit.
Por ata qëllimisht e lejuan grupin të vinte në dispozicion përmbajtje – material audio-vizual që tregon akte të dukshme seksuale me një fëmijë./Alsat
