Shkruan: Omer Ajdini
Asnjë nga deputetët e z.z. nr. 2 nuk e tha asnjë fjalë për deponinë e egër në afërsi të fshatrave Nikushtak, Orllancë dhe Grushinë. 6 deputetë shqiptarë, as edhe një fjalë!
Nuk e di bre njerëz a e ndjeni peshën e përgjegjësisë që e keni marrë?! Mija njerëz ju votuan në zgjedhjet e vitit 2020, ndër to edhe qindra votues nga fshatrat Nikushtak, Grushinë dhe Orllancë, ndërsa ju e shihni tymin kancerogjen që e thithin banorët, i shihni fushat që ndoten, veturat që bëjnë aksident e digjen (jetët që rrezikohen),qentë e sëmurë që sillen nga deponia dhe fshatrat, dhe absolutisht nuk u brenë ndërgjegja ta thoni të paktën në fjalë të vetme apo ta ngritni ndonjë iniciativë kundër kësaj deponie! Jeni deputetë, njerëz të privilegjuar, merrni para nga taksat e këtyre banorëve, dhe duhet ta dini që ju jeni aty për t’u dalur në ndihmë banorëve. Kjo është përgjegjësia që vet e keni marrë.
Duket prej në hënë që qeveria e ka humbur busollën dhe nuk i intereson qytetari që mbytet nga tymi e kanceri, po të paktën ju deputetë të kësaj zone duhet të bëni atë që u takon dhe atë që duhet. Do t’u mbajmë mend për heshtjen tuaj, mos keni dert!
