VMRO-DPMNE pretendon se dhjetë deputetë të koalicionit qeveritar janë kundër ndryshimeve kushtetuese dhe një deputet ka kërkuar para për të votuar.
“Kovaçevski dhe Grubi nuk mund të bindin 10 deputetë të tyre të votojnë për amendamentet kushtetuese, dhe ka panik në Qeveri. Kovaçevski nuk thotë nëse 3 deputetë të LSDM-së nga zona e parë dhe e dytë kanë thënë se nuk do të përkrahin ndryshime të tilla kushtetuese. Kovaçevski hesht nëse 6 deputetë të brendshëm i kanë thënë se votimi i amendamenteve kushtetuese është gjëja më e keqe që mund të bëjë qeveria. Kovaçevski e di se nuk ka mbështetje për politikat e tij”, njoftoi VMRO-DPMNE, përcjell Fokus.
Nga atje thonë se në LSDM ka njerëz që e duan shtetin, dhe nuk janë të gatshëm për koncesione dhe politika të këqija të udhëhequra nga kreu i partisë.
“Kovaçevski e di këtë dhe prandaj paniku është i madh. Paniku është edhe më i madh, sepse një deputet i BDI-së ka kërkuar para për të votuar amendamentet kushtetuese. Kovaçevski dhe Grubi po përballen me realitetin, kanë premtuar gjëra në kundërshtim me vullnetin e popullit dhe tani po i shohin pasojat”, kanë shtuar nga atje./Fokus
