Dëshira për Shqipëri etnike

0

Nga : Brilant Gashi

Më tregoni se cili popull ka organizuar më së shumti kryengritje pushtuese ndaj armikut më shumë se populli shqiptar ? Sigurisht që kjo është tashmë e ditur prandaj nuk them për këtë asgjë , pasi kam një brengë më të madhe si shqiptar , brengë kjo që me kalimin e kohës përshkon çdo qelizë të gjallë të trupit tim .

Kjo është brenga e një bashkimi , që duhet të bëhej shumë kohë më parë . Brenga e një bashkimi kombëtar me të gjitha tokat e saj . Nuk arrij t’a shoh . Ku është ai bashkim ? Ose ndoshta unë jam i verbër dhe nuk arrij t’a shoh . Duhet të më tregoj dikush që t’a shoh ose duhet t’a pyes ndonjë shqiptar tjetër se a mund t’a sheh bashkimin ?

Dua t’a shoh me gjithë shpirtin tim . Të jetë ai bashkim kombëtar i shkruar me gjakun e heronjëve tanë të lavdishëm , të jetë i shkruar me ngjyrat e bukura të flamurit kombëtar dhe të jetë i qëndisur ai flamur nga vashat tona shqiptare si vajza jonë e flamurit , e cila kujtohet gjithmonë kur vjen përvjetori i pavarësisë .

“Dua bashkim kombëtar” – i them çdo kujt që kam përballë , por nuk dua të nxis kurrfarë problemi mes vëllezërve për një bashkim të tillë sepse e di , që askush nuk interesohet për këtë Shqypni të dashur etnike dhe si përfundim duan që t’a plaçkisin tokën ku kanë leh dhe t’a vjedhin me sa fuqi të munden . Këta janë pra shqiptarët e sotëm !

Kam ëndërr që të shkoj së pari në Nish , Toplicë , në ato pjesë të Sanxhakut ku përket edhe Shqipëria veriore së bashku me Kosovë , dua të shkoj në Kosovën time lindore dhe t’a vizitoj Preshevën time bashkë me Bujanoc e Medvegjë . Mos qani o tokat e mia sepse nuk keni qenë dhe nuk do të jeni vetëm . As Nëna Shqipëri kurrë nuk i’u ka harruar , por edhe ju nuk jeni vetvetja vëllezër të dashur . Le të bëhemi së bashku për bashkim-vëllazërim .

Kam ëndërr që të shkoj në tokën time të bekuar , që i përket tokave në lindje të mëmës Arbëni , atje në Iliridën time të dashur . O Shkupi im dardano-shqiptar , dua të di nëse je gjallë dhe të t’a puth njëherë ballin e lagur me gjakë trimash të Kumanovës legjendare . Ju jeni gjallë dhe më të fortë se kurrë prandaj le të bëjmë së bashku bashkim-vëllazërim .

A harrohen tokat e shenjta në jug të Shqipërisë ? Ato toka të Çamërisë së bukur martire , akoma edhe më shumë të djersitura me gjakun e bijve të fustanellave heroike , të cilat njëherësh çliruan edhe Greqinë e sotme . Çamëri më dëgjo se do të të them diçka : Kur bijtë e nënës shkojnë në kurbetin e zi dhe nuk kthehen për vjet të tëra , nëna digjet nga malli . Nëna Shqipëri u dogj për një shekull nga ky mall . Të lutem kthehu dhe eja për bashkim-vëllazërim .

Nuk e harroj kurrë Malësinë time shqiptare , nuk harrohen tokat e shenjta në veri-perëndim të Mëmës Shqypni . Ejani o vëllezër shqiptar me plisa në kokë , të thërrasim vëllezërit tanë në Ulqin , Plavë , Guci , Podgoricë dhe në të gjithë Malësinë e madhe . T’a duam njëri-tjetrin dhe t’i bashkojmë hartat me ngjyrat tona Kuq si gjaku dhe Zi si shqiponja me dy krerë .

Zemra ime i ndjen me miljona shqiptar që duan bashkimin tonë kombëtar , por fjalët e tyre nuk duan të dalin jashtë sepse shqiptarët nuk janë të gjithë të bashkuar nga inati i tyre dhe kështu bashkimi ynë kombëtar nuk mund të jetë i mundur . Për këtë arsye , dua t’a kap letrën dhe të bëj thirrje tek shqiptarët me thirrjen – Le të bashkohemi !

Komentet

komentet