Nuk po ndalen reagimet në opinion pas skandalit të fundit që po trondit shëndetësinë në Maqedoninë e Veriut.
Informatat shqetësuese për keqpërdorimin e pretenduar të citostatikëve nga mjekët e Klinikës për Onkologji dhe Radioterapi në Shkup e ngritën në këmbë opinionin vendor. Mjekët e kësaj klinike dyshohet se kanë kryer abuzime që kanë shkelur parimet etike dhe kodin mjekësor.
Familjarët e afërt të pacientëve që trajtoheshin në këtë klinikë janë të shokuar nga pretendimet se pacientët janë trajtuar me tretës fiziologjik në vend të ilaçeve.
Në rrjetet sociale është ka reaguar edhe Dejana Novakoviq. Fëmija i vdiq dhe më poshtë po ju japim dëshminë e saj prekëse.
“Para dy vitesh e gjysmë vajza ime është trajtuar në Klinikën e Onkologjisë. Menduam se po trajtohej, por ma vranë fëmijën. Nga një lloj kanceri lehtësisht të shërueshëm, ata kancerin e kanë ushqyer me “terapinë”. Njoftoj publikisht se nuk do të lejoj që kjo të fshihet në këtë vend të kalbur! Unë do të aktivizoj gjithçka në fuqinë time dhe do t’ju kërkoj të gjithë ju që mund të ndihmoni dhe të përfshiheni!
Nuk do të pushoj derisa t’i shoh të gjithë në burg të përjetshëm! E vendos këtu këtë foto të engjëllit tim që të dini se kë keni vrarë dhe që tju përndjek si hije…”, ka shkruar kjo nënë e thyer nga dhimbja.(INA)
