Detaje tronditëse, si u vra nga babai Albert Krasniqi, bashkëshorti i missit Besa Gashi

Albert Krasniqi, pronar i kompanisë ndërtuese “Përparimi”, ka mbetur i vrarë, sot pasdite, në rrugën “Ndue Perlleshi” në Prishtinë.

“Sinjali” raporton se i dyshuar është babai i tij, Skënder Krasniqi, po ashtu afarist i njohur nga Prishtina.

Burime nga policia tregojnë se i dyshuari pas këtij veprimi ka thirrur në polici dhe i ka njoftuar ata lidhur me rastin që ka ndodhur.

Policia e Kosovës ka konfirmuar për Ekonomia Online se rasti ka ndodhur rreth orës 17:00, në rrugën “Ndue Përlleshi” në Prishtinë.

“Policia ka dalë në vendin e ngjarjes dhe po ndërmerr të gjitha veprimet e nevojshme qe konsistojnë ne hetimin e rrethanave qe karakterizojnë ngjarjen. Një person është arrestuar si dhe është konfiskuar një armë që dyshohet të jetë arma e përdorur në rast”, ka thënë Flora Ahmeti, zëdhënëse.
“Aktualisht jemi në fazën fillestare të ndërmarrjes së veprimeve hetimore dhe atyre të ekzaminimit të vendngjarjes, në funksion të ndriçimit të plotë të këtij rasti​”, shtoi ajo.

Biznesmeni Albert Krasniqi u bë lajm për mediet, pasi para disa ditësh u njoftua se është divorcuar nga ish-miss Kosova, Besa Gashi, pas vitesh martese.

Një vrasje e rëndë ka ndodhur sot në Prishtinë. Albert Krasniqi ka mbetur i vrarë në bodrumin e banesës së tij te rruga C.

Burime të Indeksonline bëjnë të ditur që dorasi ka qenë babai i tij.

Dyshohet se viktima ka pasur probleme familjare dhe ka kërcënuar që disa ditë familjarët e tij për t’ia plotësuar kushtet që kërkonte.

Babai pasi e ka kryer aktin ka njoftuar vetë policinë.