Dy të tretat e qytetarëve vlerësojnë se interneti negativisht ndikon ndaj fëmijëve, tregon hulumtimi i fundit që për “Detektor” e ka zbatuar Instituti për Hulumtime Politike – Shkup, njofton KlanM.
Sipas anketës që për “Detektor” e ka zbatuar Instituti për Hulumtime Politike – Shkup, 66% e qytetarëve vlersojnë se interneti negativisht ndikon tek fëmijët, derisa 24.3% mendojnë se ka ndikim pozitiv.
Sipas strukturës etnike, për ndikimin e dëmshëm të internetit, 71.3% janë maqedonas kurse 49.4% shqiptarë, njofton KlanM.
Mbi tre të katërtat e qytetarëve apo 78.8% vlerësojnë se fëmijët kalojnë shumë kohër në internet, kurse madje 85% kanë qëndrimin se interneti ka ndikim në rritjen e tjetërsimit social të fëmijëve.
Një shumicë e madhe e qytetarëve, sic njofton KlanM, vlerësojnë se shteti duhet të ndalojë disa aplikacione ose rrjete sociale që nuk janë adekuate për personat e mitur. Këtë qëndrim e ndajnë 84.9% e qytetarëve.
Më të rinjtë kalojnë më shumë kohë në internet. Për shkak se anketa përfshin vetëm persona të moshës madhore, madje 34.8% e të anketuarve që kanë më pak se 30 vjet, kalojnë më shumë se 4 orë në internet, njofton KlanM.
Anketën për “Detektor” e ka zbatuar Instituti për Hulumtime Politike Shkup, nga 27 deri më 30 Mars 2023 me 1.117 të anketuar./KlanMacedonia/
