Dick Marty akuzon autoritetet zvicerane: Nuk më morën në mbrojtje për të mos i prishur punët me Serbinë

Iliria News Agency
Iliria News Agency

29/04/2023

Ish-deputeti nga Tiçino i Dhomës së Kantoneve të Parlamentit të Zvicrës dhe hetuesi special i Këshillit të Evropës, Dick Marty, ka bërë akuza të rënda kundër Departamentit (ministrisë) Federal të Punëve të Jashtme dhe Zyrës së Prokurorit të Përgjithshëm në lidhje me kërcënimet e bëra ndaj tij.

Ai, duke folur dje për “Dialy Talk”, në Radio SRF të premten ka shprehur revoltën e tij ndaj institucioneve në fjalë për faktin se përse iu desh atyre kaq shumë kohë që t’i ofronin mbrojtje dhe pse autoritetet nuk u vunë menjëherë në ndjekje të kriminelëve.

“Çështja mund të ishte zgjidhur shpejt,” tha Marty.

Sipas tij, qëllimi i kriminelëve ishte që për vrasjen e tij të fajësonin ish-presidentin kosovar Hashim Thaçi. Marty supozon se ata ishin njerëz me kontakte në shërbimet sekrete serbe, transmeton albinfo.ch. Sepse Serbia kishte frikë se Thaçi nuk mund të sillej para drejtësisë.

“Nëse Zvicra zyrtare do të kishte ndërhyrë menjëherë te qeveria serbe dhe do t’u thoshte atyre se ata i dinin planet, plani kriminel do të kishte dështuar”, tha Marty për SRF.

“Por me sa duket ata nuk donin të prishnin marrëdhëniet diplomatike. Nuk e di arsyen”.

Por ai thotë se e di se shumë njerëz në Zvicrën zyrtare në Departamentin Federal të Punëve të Jashtme (EDA) dhe në Zyrën e Prokurorit të Përgjithshëm (BA) nuk po thonë të vërtetën.

BA: Në kontakt me autoritetet serbe

Duke iu përgjigjur agjencisë së lajmeve Keystone-SDA, Zyra e Prokurorit të Përgjithshëm (BA) shkruan pa adresuar akuzën për reagimin e pretenduar si të vonuar: “Autoritetet përgjegjëse zvicerane janë në kontakt me autoritetet serbe në nivele të ndryshme”.

Janë bërë shkëmbime dhe takime ndërmjet policisë kriminale federale nga Fedpol dhe autoriteteve policore serbe, u tha të premten, transmeton albinfo.ch. Këto veprime janë “pjesë e masave të marra”, ku shkëmbimi mes Fedpol-it dhe autoriteteve policore serbe është bërë në konsultim të ngushtë me Prokurorinë e Përgjithshme.

Martit nuk i ishte dhënë mbrojtja e plotë deri në dhjetor të vitit 2020. Në atë kohë, prokurori federal kishte thënë se duhej të supozohej një “situatë kërcënimi serioz” kundër Marty-t. Për shkak të “konteksit me sa duket transnacional”, çështja ka edhe një komponent politik.

“Megjithatë, kërcënimi nuk vjen vetëm nga pala serbe, theksoi Marty për SRF-në”. Mediat shqiptare, madje edhe politikanët, sipas tij, “prej vitesh zhvillojnë një fushatë shpifjeje kundër tij. Dhe kjo është e rrezikshme. Sepse kjo qasje mund të nxisë njerëz të pakontrollueshëm”.

Marty shprehu zhgënjimin që autoritetet zvicerane nuk i thanë të vërtetën, përcjell albinfo.ch. Ai “kurrë nuk ishte shumë i popullarizuar në Bernën zyrtare, pjesërisht sepse ai shkroi një raport mbi burgjet e CIA-s, i cili mund të ketë prishur marrëdhëniet me SHBA-në”, ka shtuar Marty.

TË FUNDIT

ME TE LEXUARA

LEXO MË SHUMË

deklarata vlen opozita shqiptare

Mësoher bartësi i listës për deputetë të VLEN në njësinë 5 zgjedhore?!

Arsim2

Osmani: Mendoj që kjo do të jetë një ndër fitoret më të mëdha që kemi pasur si bllok

patarina pike pagese

Rustemi: Pagesa elektronike të taksës rrugore edhe në Korridorin 8

Jovan Mitrevski

Mitrevski: Deri më 28 Maj duhet të thirret seanca konstituive për përbërjen e re Parlamentare

Manastiri Banjskes zvecan

“Varrezat dhe Manastirët magazina ushtarake serbe”/ Ish-agjenti i SHIK-ut tregon detaje

denar

Paga mesatare në AEK në Maqedoni mbi 1000 euro

Fatmir-Bytyqi

7 orë punë në ditë në disa sektorë nga 2025 në Maqedoni, Bytyqi bën premtimin

Kuvendi Parlamenti maqedonise

Kuvendi me 78 ,,PRO” miratoi Propozim Ligjin për ndryshimin dhe plotësimin e Ligjit për ekzekutimin e sanksioneve

arben taravari ekipi

Taravari prezantoi pjesën tjetër të kabinetit presidencial: Janë njerëz me të cilët do t’i qojmë para idealet e VLEN-it

INFO

NA NDIQ