Medai Saoli
(qyfyre nga fshati)
Prej disa ditësh që thoni ju more shokë injoranca jonë është duke menduar dhe reflektuar thellë në lidhje me saktësinë e përbërjes së numrit dhe përqindjes së shqiptarëve në ‘drzhavën Severna’.
Po pse vallë me përqindje ‘xhanëm’, pyet injoranca jonë për gjuhën tonë dhe jo me emër?
Po mos na kanë gënjyer deri më sot partiçkat tona me broçkullat e gjuhës shqipe si gjuhë zyrtare apo qysh vete kjo punë, kështu i bie që shqipot po e hamë sapunin për djathë!
Ndaj, po rri dhe po mejtohem që thoni ju more shokë se ne e paskëshim ngrënë gënjeshtrën për të vërtetë dhe gjuhën zyrtare me përqindje.
Po mirë të na bëjnë se nuk na mbushet koka ne jo…thotë një tjetër aty pranë pasi dëgjoi injorancë duke biseduar me vetveten!
Dhe kështu injoranca vazhdonte të thosh me vete se jemi 20% apo jemi 30%, pasi edhe regjistrimi i fundit na nxorri 30% dhe se ‘drzhava’ nuk duhet të gënjej!
Le ta lëmë më mirë injorancën të reflektoj mbi shqetësimin e saj nëse jemi ne shqipot e ‘Severnës’ jemi 20% apo 30%!!!
Mirë mbetshi!
