Presidenti Ibrahim Rugova në vitin 1991 në bisedat me diplomatë evropianë nuk kishte ndonjë kundërshtim thelbësor sa i përket çështjes së ndarjes së veriut të Kosovës.
Rugova poashtu ka thënë se nëse Jugosllavia shpërbëhet atëherë duhet të ketë një shtet të pavarur gjithëshqiptar.
Gazetari i gazetës gjermane, ‘Frankfurter Allgemeine Zeitung’ ka publikuar disa raporte konfidenciale të Ministrisë së Punëve të Jashtme të Gjermanisë, konkretisht ambasadës së Gjermanisë në Beograd në vitet e 90-ta kur kishte filluar shpërbërja e Jugosllavisë.
Në këtë raport përshkruhet takimi i Presidentit Ibrahim Rugova me tre diplomatë evropianë në Prishtinë në dhjetor të vitit 1991, raporton Gazeta Express.
Sipas raportit, Rugova u tha diplomatëve: “Nëse Jugosllavia vazhdon të ekzistojë, Kosova duhet të bëhet republikë e barabartë. Nëse kufijtë e brendshëm jugosllavë ndryshohen sipas parimeve etnike, ajo (Kosova) dëshiron bashkim me pjesët e Malit të Zi dhe Maqedonisë që janë të banuara me shqiptarë. Nëse Jugosllavia shpërbëhet plotësisht, Rugova kërkoi “shtet të pavarur (gjithë)shqiptar.Sipas raportit të diplomatit gjerman, Rugova nuk kishte kundërshtim thelbësor për ndarjen e Kosovës veriore me Serbinë. Në çështjen e ndarjes së mundshme të Kosovës, ai (Rugova) u tregua fleksibël, por theksoi se vetëm një komunë (Leposaviqi) kishte shumicë serbe.”, thuhet në një pjesë të raportit që ka publikuar gazetari gjerman./Gazeta Express
December 1991. Three European diplomats (from Germany, Norway and Great Britain) travel from Belgrade to Kosovo to assess the situation. I cut out their names as two of them are still active in the diplomatic service of their countries, currently on their last post. pic.twitter.com/yyFCXBU4cy
— Michael Martens (@Andric1961) February 3, 2022
