Vendet e Ballkanit Perëndimor nëse duan të bëhen anëtare të BE-së duket patjetër që politikat e tyre ti harmonizojnë me ato të BE-së, që do të thotë ti vendosin sanksione Rusisë.
Kështu është shprehur diplomati kroat, Gordan Grliq Radman në Forumin e Dubrovnikut.
“Nuk është e mundur të qëndroni në dy karrige. Të gjithsa vendet duhet ta dënojnë agresionin rus dhe të vendosin sanksione, duke treguar kështu solidaritet ndaj Ukrainës dhe njëkohësisht të promovojnë fqinjësi të mirë dhe stabilitet në rajon”, është shprehur ai.
Ministri i jashtëm kroat theksoi se: “interesi kombëtar i Kroacisë është një fqinjësi e sigurt dhe e qëndrueshme” dhe përsëriti se Kroacia mund të ndihmojë vendet e Ballkanit Perëndimor me “dije, ekspertizë dhe përvojë” në rrugën drejt Bashkimit Evropian.
Ministrja e Jashtme e Kosovës, Donika Gërvalla: BE-ja i dorëzohet Vuçiqit sikur më parë Putinit
Ministrja e Punëve të Jashtme të Kosovës, Donika Gervalla-Schëarz, ka thënë se “disa në fqinjësi kanë dy vjet që po ndihmojnë agresionin rus, pa pasoja për marrëdhëniet me Bashkimin Evropian.
“Koncesioni i fundit i BE-së ndaj aktorëve agresivë në rajon i fton autokratët që të përshkallëzohen më tej, të testojnë Perëndimin dhe ndoshta të shkojnë në luftë”, tha diplomatja kosovare.
Pasardhësit e Millosheviqit duhet të shkojnë tek fqinjët dhe të kërkojnë falje për krimet.
Ajo po ashtu theksoi se nuk ka nevojë për pajtim të ndërsjellë mes vendeve të Ballkanit Perëndimor, sepse ato janë në marrëdhënie të mira, me përjashtim të Serbisë, e cila është “i vetmi aktor në Ballkanin Perëndimor që duhet të kuptojë se pajtimi mund të jetë shumë pozitiv dhe kyç për paqen dhe stabilitetin në rajon”.
Gjatë një fjalimi në kuadër të Forumit të Dubrovnikut, ministrja Gërvalla tha se çështja thelbësore për sigurinë në Ballkanin Perëndimor është nëse BE-ja mund të garantojë siguri dhe paqe në Evropë.
“Vlerësimi im është që BE-ja nuk mundet. Sepse nuk është në gjendje dhe e aftë për të ofruar siguri. Arsyet janë të dukshme: nuk ka vullnet politik, ka shumë mospajtim në bllok dhe pa Shtetet e Bashkuara dhe NATO-n, BE-ja është një ‘tigër prej letre’ në aspektin e sigurisë”, tha zonja Gërvalla. Përgjatë fjalimit të saj ajo shtoi se Evropa nuk ka asnjë histori suksesi në përpjekjet për të parandaluar luftërat”. (INA)
