Trimëresha e kombëtares së Kosovës, Distria Krasniqi, është kampione në kategorinë -52 kg në turneun prestigjioz Grand Prix që u mbajt në Zagreb të Kroacisë.
Xhudistja e Kosovës nuk ka treguar mëshirë për asnjë rivale, duke fituar medaljen e artë.
Edhe një medalje për shtetin e Kosovës.
“Distria Krasniqi fiton medaljen e artë në Grand Prix Zagreb 2025!
Në xhiron e parë Distria ishte e lirë, në të dytën ajo mposhti me Ippon, Amanda Lima nga Brazili. Në çerekfinale Distria mposhti me Ippon, Blandine Pont nga Franca.🇫🇷 Kurse në gjysmëfinale ajo mposhti përsëri me Ippon, Gaia Stella nga Italia.
Në ndeshjen për medalje të artë Distria mposhti me Ippon, Reka Pupp nga Hungaria”, njofton FXHK.
