Drejtorët organizativ buxhetit shtetëror i kushtojnë mbi 300 000 euro në vit

INA
INA

26/05/2023

Pagat e drejtorëve organizativ buxhetit shtetëror i kushtojnë mbi 300,000 euro në vit. Në institucionet publike shëndetësore në Maqedoni janë të vendosur 26 drejtor organizativ, 9 prej të cilës janë ushtrues të detyrës së drejtorit, dhe të gjithë marrin pagë mujore prej afër 60,000 denarë. Ata nuk janë përfshirë nga rritja e pagave të funksionareve pasi janë të punësuar nga ministria e Shëndetësisë dhe jo nga Kuvendi. Ata në zyrat e tyre nuk kanë personel tjetër shtesë.

Ministri i Shëndetësisë Fatmir Mexhiti ka premtuar heqjen e këtij pozicioni si vend pune nëpër institucionet shëndetësore, nën arsyetimin se kjo pozitë vetëm se ngarkon buxhetin shtetëror. Alsat pyeti ministrinë e Shëndetësisë se sa kjo pozitë e drejtorëve lehtëson funksionimin e Klinikave, por nga dikasteri i shëndetësisë na udhëzuan që përgjigje të kërkojmë nga të gjitha klinikat që kanë drejtorë organizativ.

Vendimi i Ministrisë së Shëndetësisë nuk është komentuar nga zyrtarë të tjerë të qeverisë e as nga partitë politike edhe pse shumë nga këta drejtorë janë të emëruar me rekomandime të partive.

Ndryshe, muaj më parë, Fondi Shëndetësor përmes kontrolleve të jashtëzakonshme nëpër Klinika konstatoi se disa nga drejtorët organizativ të Klinikave në Shkup kanë marrë paga më të larta se ato të rregulltat. Në raportin e Fondit ndër tjera u shpalos se disa drejtor Klinikash kanë marrë mëditje për kujdestari derisa kanë qenë në udhëtim zyrtar apo derisa kanë qenë në pushim vjetor apo në ditë të lira.

Kontrollet e Fondit po ashtu treguan për keqpërdorime tjera sa i përket kujdestarive në Klinikën e Neurokirurgjisë, Kardiokirurgjisë dhe kirurgjisë digjestive të fëmijëve.

Heqjen e drejtorëve organizativ e kishin premtuar shumë ministra paraprakë. Një gjë të tillë e premtoi ish ministri Bekim Sali, paraardhësi i tij Venko Filipce si dhe Arben Taravari. Por pavarësisht premtimeve, kjo pozitë ende vazhdon të plotësohet me kuadro nga parti të ndryshme politike.

Të enjten ministri i Shëndetësisë tha se nga 1 janari i vitit 2024 Qendra Klinike në Shkup do të ketë vetëm një drejtor të vetëm të përgjithshëm i cili do jetë përgjegjës për të gjithë kompleksin e Klinikave.
Drejtorët organizativ apo ekonomik siç quheshin më parë janë vendosur që në vitin 2015 nga ish qeveria e Nikolla Gruevskit.

Vendimin për vendosjen e këtij pozicioni qeveria e atëhershme e kishte arsyetuar me nevojën për menaxhimin e procesit të punës, funksionimin e institucionit publik shëndetësor, kujdesin për funksionimin material dhe financiar, zbatimin e projektit “Termi im” dhe çështje tjera për mbarëvajtjen e punës së institucionit shëndetësor. /Alsat.mk

TË FUNDIT

ME TE LEXUARA

LEXO MË SHUMË

ASH Sela Taravari

Taravari reagon pas vendimit të ASH-së së Selës që ti bashkohet “Frontit Evropian”

Ali Ahmeti Ziadin Sela

Sela i thotë PO koalicionit me Ali Ahmetin, bashkë me ‘Frontin Evropian’

artan grubi

Pasi ASH-ja u rreshtu në “Frontin Europian”, GRUBI: Si mbet puna e 20 plusit?!

sela22

Sela i bashkohet Frontit Europian të Ali Ahmetit

f6

Fronti Europian rritet edhe me Unionin e Romëve, Ahmeti: Fitore e madhe na pret

deklarata vlen opozita shqiptare

Mësoher bartësi i listës për deputetë të VLEN në njësinë 5 zgjedhore?!

Arsim2

Osmani: Mendoj që kjo do të jetë një ndër fitoret më të mëdha që kemi pasur si bllok

patarina pike pagese

Rustemi: Pagesa elektronike të taksës rrugore edhe në Korridorin 8

Jovan Mitrevski

Mitrevski: Deri më 28 Maj duhet të thirret seanca konstituive për përbërjen e re Parlamentare

INFO

NA NDIQ