Dridhen grekët, Rama lidhet me Erdoganin

Pavarësisht bisedimeve dhe takimeve të njëpasnjëshme mes ministrit Bushati dhe Kotzias, marrëdhëniet Shqipëri-Greqi vazhdojnë të jenë problematike.

Pas “marrëveshjes” së detit ku sipas palës greke Shqipëria do t’i japë 12 milje detare, situata nuk është qetësuar, përkundrazi.Kjo për shkak të çështjes çame e cila vazhdon të jetë një pikë e dobët për të dyja vendet.Shqipëria kërkon përfshirjen e çështjes çame në diskutime por Greqia kërkon që edhe emri i tyre të mos përmendet.

Kaq ka mjaftuar dhe në Greqi kanë nisur sulmet ndaj qeverisë Shqiptare ku opionistët shkruajnë se qeveria Rama zbaton urdhrat e Erdoganit.Sipas tyre Presidenti turk po përpiqet ta kthejë Shqipërinë në një Turqi të dytë.

Kështu ka deklaruar opinionisti i njohur Lambros Kalarrytis shkruan në “Parapolitika.gr” se:“Pala greke është ajo që do të humbasë në çdo marrëveshje që mund të arrihet.

Për ata që nuk e kuptojnë apo nuk e vënë re faktori shqiptar zbaton urdhrat e Ankarasë.Në Ballkan po aplikohet një politikë irredentiste dhe në mënyrë konsistente, metodike dhe të qëndrueshme që i bën të dukshme ‘gjurmët turke’.

Turqia kërkon një Ballkan të ri dhe Erdogan po punon me shqiptarët.Shqiptarët janë një nga mjetet e dobishme dhe të rëndësishme në ndjekjen e këtij qëllimi.Presidenti turk po përpiqet ta transformojë Shqipërinë në Turqinë e dytë në rajon.

Të tjerët kanë në mendje dhe politikën e tyre me tema të hapura.Sepse kanë një axhendë kombëtare, vizion kombëtar, ide kombëtare, objektiva kombëtare.Pra, ideja e ‘Shqipërisë së Madhe’, tani për tani duhet të jetë shqetësimi ynë.”