Sot gjatë ditës u raportua se ushtria e Kosovës tashmë është pajisur me dronët e parë ushtarakë Bayraktar të Turqisë.
Disa muaj më parë, Ministria e Mbrojtjes, kishte nënshkruar kontratë me një kompani prodhuese në shtetin e Turqisë për dronët.
Tashmë, dronët kanë arritur gjatë dy ditëve të kaluara në Aeroportin Ndërkombëtar të Prishtinës dhe për këtë kishte edhe prani të shtuar të Forcës së Sigurisë në zonën VIP të Aeroportit.
Ndonëse ende nuk kemi njoftim zyrtarë nga Qeveria e Republikës së Kosovës, apo Ministria e Mbrojtjes, mediat turke kanë shkruar për këtë.
