Dy artistë shumë të dashur për publikun shqiptar, Gold AG dhe Eli Fara, kanë bashkuar talentin dhe zërat e tyre në një duet të ri muzikor me titullin “Vaj, vaj, vaj”, që pritet të publikohet nesër në orën 19:00.
Lajmi është bërë i ditur nga vetë artistët përmes një postimi në Instagram, ku kanë ndarë disa sekuenca të shkurtra nga kënga e re, duke shtuar emocionin dhe pritshmëritë te fansat.
Ky bashkëpunim ka ngjallur menjëherë reagime pozitive në rrjetet sociale, duke bashkuar dy breza dhe stile të ndryshme muzikore – atë të muzikës popullore të Eli Farës dhe ritmet urbane të Gold AG.
Qëndroni gati për lansimin zyrtar nesër në ora 19:00 – një duet që premton të lërë gjurmë!
