Mijëra turistë të huaj kanë zgjedhur plazhet e Durrësit për të kaluar pushimet verore edhe këtë vit. Hoteleritë në Durrës janë prenotuar në mbi 90% të kapacitetit të tyre, duke kaluar çdo pritshmëri ende pa nisur fluksi i sezonit.
Turistë nga vendet e Evropës Veriore, vendet skandinave, Italia, Gjermania etj, janë ata që i kanë mbyllur prenotimet më herët, duke e futur Durrësin prej vitesh në axhendën e destinacioneve të tyre të preferuara.
Durrësi numëron mbi 170 hotele e resorte turistike me një kapacitet akomodues me mbi 10 mijë shtretër. Përgjatë muajve të verës qyteti bregdetar frekuentohet nga afro 1 milionë turistë.
