Nxënësit e shkollës së mesme të ndërtimtarisë “Zdravko Cvetkovski” prej të mërkurën do të kalojnë në mësim online për shkak të mungesës së ngrohjes, shkruan Alsat.
Nga udhëheqja e shkollës thanë për Alsat se mësimi online do të jetë i përkohshëm derisa Qyteti i Shkupit të gjej zgjidhjen e duhur për këtë problematikë. Drejtoresha e shkollës, Anita Tomovska tha se për këtë vendim tashmë është njoftuar edhe Qyteti i Shupit dhe dikasteri i Arsimit, ndërsa ky i fundit ka dhënë edhe pëlqimin për mësim online. Gjithashtu, sipas Tomovskës për mësimin online është marrë edhe pëlqim nga Këshilli i prindërve, mësimdhënësve dhe shkollës.Alsat ka mësuar se me problem të njëjtë po përballet edhe shkolla e mesme ekonomike “Arseni Jovkov”. /Alsat