Dy të mitur nga Haraçina dje janë rrahur në një stacion autobusi në Shkup, përcjell portali Skopjeinfo.
Sipas policisë, incidenti ka ndodhur dje në orët e mbrëmjes, ndërsa policia është njoftuar nga Spitali i Përgjithshëm i Qytetit se rreth orës 18:00 i kanë pranuar dy të mitur të moshës 15 vjeçare me lëndime serioze.
Sipas njoftimit të policisë, rreth orës 18:15 në një stacion autobusi në rrugën “Bosnjë-Hercegovina”, ata janë sulmuar fizikisht nga disa persona. MPB theksoi se po merr masa për zbardhjen e rastit.(INA)