Dy tetovarët tentuan ta djegin kazinon me benzinë, pasi humbën paratë

Iliria News Agency
Iliria News Agency

21/03/2022

Prokuroria Themelore Publike në Tetovë ka iniciuar procedurë kundër dy personave të dyshuar për kryerjen e veprave penale pasi që tentuan t’i vënë flakën një kazinoje, ku kishin humbur paratë.

Sipas policisë, më 18 mars, në një kazino në rrugën “Ilindenska” në Tetovë, dy të dyshuarit kanë filluar të luajnë në automat. Pasi kanë humbur një shumë të madhe parash, fillimisht kanë nisur një debat verbal me anëtarët e agjencisë së sigurimit të objektit, ndërsa më pas me karrige dhe sende të tjera kanë filluar të thyejnë pajisjet dhe inventarin në kazino. Sigurimi kishte raportuar në polici, ndaj në vendngjarje kanë mbërritur dy efektivë të policisë, përcjell INA.

“Të dyshuarit janë kthyer në objekt me shishe plastike me benzinë. Oficerët e policisë i kanë paralajmëruar të mos hyjnë në godinë, por ata nuk iu bindën urdhrit. Përkundrazi, ata i drejtuan policisë fjalë fyese dhe i kërcënuan se do t’i digjnin. Duke i shtyrë punonjësit e policisë, të dyshuarit kanë nisur të derdhin benzinë ​​në tapet, sende, por edhe mbi policët dhe pjesëtarët e sigurimit të pranishëm. Ata i kanë vënë flakën pikës së benzinës me çakmakë, më pas ka rënë zjarr brenda kazinosë dhe nga zjarri është përfshirë edhe një pjesë e uniformës së njërit prej policëve. Menjëherë më pas të dyshuarit janë larguar nga vendi i ngjarjes”, thekson raporti policor.

Autoritetet gjyqësore kanë caktuar masën e paraburgimit për dy të dyshuarit në kohëzgjatje prej 8 ditësh. Për njërin të dyshuar masa është tashmë në fuqi, ndërsa për tjetrin do të fillojë të zbatohet pasi të gjendet dhe të hiqet liria. (INA)

TË FUNDIT

ME TE LEXUARA

LEXO MË SHUMË

stevo pendarovski

Pendarovski: Nuk ka plan “B” për ndryshimet kushtetuese, vetëm plan “A”

bujar osmani

Osmani: Marrëveshja e Ohrit ma ka mundësuar që të mbërrij të bëhem kryetar i gjysmës së botës!

Arben Taravari VLEN

Taravari: Maqedonia e Veriut prodhuese e sigurisë – BE, SHBA dhe NATO janë aleatët tanë të pazëvendësueshëm

Pançe Toshovski

Toshkovski: Atmosfera parazgjedhore është e qetë dhe pa incidente

mjeke

Anulohet konkursi për punësimin e 1 117 punonjësve shëndetësor

rasti monstra

Rasti “Monstra” do të kërkoj drejtësi në Strasburg

spital-infermiere-mjeke shendetesi

Çdo muaj nga 12 infermiere ikin nga Maqedonia e Veriut

gruaja dhune burri rrahje

Gruaja nga Piroku e rreh rëndë me shuplaka burrin nga Gostivari

SONY DSC

Moti i ngrohtë “pushton” plazhet, fluks pushuesish në bregdetin shqiptar

INFO

NA NDIQ