Dybala tregon si e përzunë nga Juve

Pas dështimit për të rinovuar me Juventusin, Paulo Dybala vendosi të veshë fanellën verdhekuqe. Duke folur për ‘Tyc Sports’, argjentinasi zbuloi një detaj të rëndësishëm mbi vendimin e tij për t’u bashkuar me Romën:

“Fatkeqësisht, sezonin e kaluar kam pasur disa ndalesa për shkak të dëmtimeve dhe nuk mund të kisha vazhdimësi. Sidoqoftë, shifrat e mia në raport me minutat e luajtura ishin shumë të mira. Të qenit pa kontratë më dha një dyshim të madh bazuar në atë që po ndodhte.

Së paku në nivel futbolli. Ishte e papritur, sepse kisha një marrëveshje me Juventusin për rinovimin, por më pas gjërat ndryshuan si nga ana e klubit, ashtu edhe nga trajneri, i cili kishte një projekt të ri.

Mourinho më hapi dyert për të më marrë te Roma. Ishte një vendim i marrë shumë shpejt. Një fundjavë më telefonoi dhe zhvilluam disa biseda. Më erdhi në shtëpi edhe Tiago Pinto. Investimi ishte i rëndësishëm. Roma është një klub i jashtëzakonshëm dhe do të vazhdojë të rritet.

Mou është një trajner që thotë pak gjëra, por në mënyrë të drejtpërdrejtë. Ne folëm shumë për klubin, qytetin dhe idetë e tij. Kanë ardhur lojtarë të pabesueshëm me shumë përvojë, që i janë shtuar një grupi të ri, i cili fitoi një titull sezonin e fundit”.

Për më tepër, Dybala hapi një parantezë të mëtejshme për sezonet e fundit të kaluara te Juventusi, ku luajti që në vitin 2015: “A jam te Roma për t’u ndjerë i rëndësishëm? Po, vitet e fundit te Juve nuk kanë qenë të lehta, ndryshimi i peizazhit më ka bërë mirë”.

Ai që e bindi për t’u transferuar në kryeqytetin Italian ishte ‘Special One’: “Me Juventusin ne po fitonim 4-3 ndaj Romës dhe trajneri më zëvendësoi. Mourinho u afrua te pankina jonë dhe më përshëndeti, më tha: Ti je një fenomen.

Ky episod mbeti në kokën time, por nuk mund ta dija se çfarë do të ishte sukses në lidhje me rinovimin te Juve. Kur më telefonoi për herë të parë, Jose më pyeti nëse e mbaja mend atë moment. Dhe unë: Sigurisht, si mund ta harroja. Ishte një nder. Pastaj ai tha: Mirë, tani duhet të luash për mua. Më telefonoi edhe në ditët në vijim dhe ishte e lehtë të vendosja.

Të punosh me të është e thjeshtë. Unë flas për gjithçka me të, i njeh të gjithë lojtarët, nga lojtarët më të mirë e deri në Kategorinë e Tretë. Ai ka një grup njerëzish që punojnë shumë mirë. U habita nga përulësia e Mourinhos, ai i trajton të gjithë në të njëjtën mënyrë. Ndonjëherë mund të japë një imazh të ndryshëm për atë që shihni në fushë. Pastaj e pashë edhe të zemëruar… Jam shumë i lumtur te Roma, kur ndihesh mirë është më e lehtë”.