Real Madridit javën e kaluar iu rikujtua se sa i mirë është Luka Modric, i cili shënoi një gol mjaft të bukur nga distanca në ndeshjen ndaj Gironas.
39-vjeçari është lojtari më i vjetër në historinë e Real Madridit, derisa po ashtu edhe golashënuesi më i vjetër.
Legjenda kroate fillimisht dukej se do të largohej verën e kaluar, por vendosi që të pranojë qëndrimin tutje, duke u pajtuar me një rol më dytësor.
Modric beson se mund të vazhdojë edhe për një sezon tjetër – përtej aktualit.
Ai është i bindur që mund të kontribuojë për Realin edhe si 40-vjeçar.
Modric ka sytë e mendjen kah Kupa e Botës 2026 me Kroacinë, me mesfushorin që dëshiron të arrijë në këtë turne si lojtar i Real Madridit.
Mirëpo, Real Madridi ka bërë me dije se nuk do të futet në negociata me Modricin deri në përfundim të sezonit, dhe do t’i ofrojë lojtarit vetëm një vit për rinovim.
Megjithatë, hierarkia e klubit mendon se mos është më mirë që mundësitë e tij t’ia ofrojnë një lojtari më të ri.
Këtë sezon, Modric ka luajtur 1789 minuta në 39 ndeshje, duke shënuar katër gola e duke dhuruar gjashtë asistime.
