Prokuroria për ndjekjen e krimit të organizuar ka njoftuar shkurt se në disa lokacione në nivel shteti është duke zhvilluar aksion i koordinuar me policinë mbi dyshimet dhe keqpërdorimet në Fondin Shëndetësor.
“Bëhet fjalë për më shumë vepra penale të kryera dhe shpërdorime të shumta” ka njoftuar shkurt organi i akuzës.
Në dhjetor të vitit kaluar, drejtori i Fondit Shëndetësor, Sasho Klekovski në Alsat kishte denoncuar se në institucionin që drejton ai janë gjetur shkelje të shumta dhe për 6 drejtorët paraprak të gjitha gjetjet i janë dorëzuar policisë dhe prokurorisë.
